سياسة الخصوصية
آخر تحديث: 2 نوفمبر 2026
تحويلاتي دفتر لتسجيل العمليات بس. البرنامج مش بيحوّل فلوس، ومش بيبعت ولا بيستقبل أي مبلغ، ومش بيدخل على أي محفظة أو حساب بنكي.
- التحويل نفسه بيحصل برّه البرنامج، على تطبيق المحفظة أو الخط بتاعك.
- تحويلاتي بيسجّل اللي إنت كتبته بإيدك، أو راجعته وأكّدت تسجيله من رسايل التحويل، عشان تعرف رصيدك وعمولتك وتقفّل يومك.
- البرنامج عمره ما هيطلب منك باسورد محفظة أو رقم سري أو كود تأكيد (OTP). لو حد طلبهم منك باسم تحويلاتي، ده نصب.
إحنا مين
تحويلاتي تطبيق أندرويد لأصحاب محلات تحويل المحافظ (فودافون كاش، أورنج كاش، e& money، WE Pay، InstaPay وغيرهم) عشان يسجّلوا عمليات المحل. للتواصل: tahwilati@gmail.com.
البيانات اللي بتكتبها في البرنامج
كل حاجة بتكتبها بتتحفظ على موبايلك:
- اسمك ورقم موبايلك، واسم المحل وصورته لو حطيتها.
- أسامي الخطوط وأرقامها وأرصدتها وحدودها.
- الزباين اللي عليهم آجل: الاسم والرقم والمبلغ.
- العمليات: النوع، والمبلغ، والعمولة، والوقت، ورقم العميل أو اسمه أو رقم العملية لو كتبتهم.
- صور الإيصالات لو صوّرتها أو اخترتها من الصور.
- التقفيل اليومي وإعدادات البرنامج.
البرنامج بيشتغل من غير نت، وأي حاجة بتتسجل وإنت من غير نت بتترفع لما النت يرجع.
تتبع رسايل التحويل
لو فعّلت «رسايل التحويل» ووافقت على إذن استقبال SMS، البرنامج بيستقبل الرسايل الجديدة في الخلفية، حتى لو واجهته مقفولة، عشان يلقط رسايل معاملات فودافون كاش. بيفلتر المرسل ومحتوى الرسالة، وبيتجاهل الرسايل الشخصية والإعلانات وأكواد التأكيد (OTP)؛ مش بيحفظها ولا بيرفعها. مش بيقرا سجل الرسايل القديمة، ومش بيبعت SMS ولا بيوصل لسجل المكالمات.
من رسالة التحويل بنستخرج المبلغ، واتجاه التحويل، واسم العميل ورقمه لو موجودين، ورقم محفظتك، ورقم العملية ووقتها، والرصيد وخصم الشبكة لو موجودين. البيانات دي بتجهّز عملية تراجعها، ومش بتتسجل في الدفتر إلا لما تأكّدها.
نص رسالة التحويل بيتحفظ مؤقتًا ومشفّر على الجهاز لحد ما يدخل الوارد المحلي، وبعدها بيتشال من طابور الاستقبال. البيانات المستخرجة بتفضل في الوارد المحلي، ونص الرسالة الكامل مش بيتبعت للسيرفر ولا لخدمة ذكاء اصطناعي. لما تأكّد التسجيل، بيانات العملية اللي اعتمدتها، ومنها اسم العميل ورقمه ورقم العملية لو موجودين، بتترفع مع دفتر المحل على Supabase زي باقي العمليات.
ممكن يظهر إشعار بالتحويل، وتفاصيله الشخصية بتتخفى في النسخة المخصصة لشاشة القفل. تقدر توقف الاستقبال من «رسايل التحويل ← ضبط الرسائل»، أو تلغي إذن SMS من إعدادات أندرويد. إيقاف التتبع بيوقف استقبال الرسايل الجديدة، ومش بيمسح العمليات اللي سجلتها قبل كده. مسح التطبيق بيمسح طابور الرسايل والوارد المحلي من الجهاز.
الحساب والرفع على النت
الدخول برقم موبايلك وكلمة سر، والرقم بيتأكد بكود بيوصلك على واتساب. الكود بتعمله وتبعته وتتأكد منه خدمة Authevo، وبيوصلها رقمك والكود بس. بياناتك بتترفع على سيرفرات Supabase عشان ترجعلك لو غيّرت موبايلك أو ضاع. الرفع مشفّر (HTTPS)، وكلمة السر متشفّرة ومحدش يقدر يشوفها، وبيانات كل محل مقفولة على صاحبه واللي هو بيضيفهم بس.
بنسجل وقت آخر اتصال بالتطبيق عشان نعرف الحسابات اللي بقالها فترة مش بتتصل. الانقطاع مش معناه إن التطبيق اتمسح من الجهاز.
الاشتراكات
مفيش أي دفع جوه البرنامج. الاشتراك بيتم معانا على واتساب والدفع بتحويل، وبنحفظ المبلغ وتاريخه وصورة التحويل اللي بتبعتهالنا عشان نفعّل اشتراكك. مش بنطلب ولا بنحفظ بيانات أي كارت.
تقارير الأعطال
لو البرنامج وقف أو حصل فيه غلط، بيتبعت تقرير تقني لخدمة Sentry عشان نصلّحه: نوع الموبايل ونسخة أندرويد ونسخة البرنامج ومكان الغلط في الكود. أرقام الموبايلات بتتشال من التقرير قبل ما يخرج من الموبايل، ومفيش صور للشاشة ولا أرصدة ولا أسامي بتتبعت.
الصلاحيات
- النت: للدخول والرفع على النت وتقارير الأعطال.
- البصمة: لو فعّلت قفل البرنامج. البصمة نفسها بيتأكد منها الموبايل، والبرنامج مبيشوفهاش.
- الكاميرا والصور: بس لما تختار تصوّر إيصال أو صورة للمحل أو تختارها.
- استقبال SMS: بعد التوضيح وموافقتك، لتتبع رسايل التحويل الجديدة وتجهيزها للمراجعة، حتى لو واجهة التطبيق مقفولة.
- الإشعارات: لتنبيهك برسالة تحويل محتاجة مراجعة. الإذن ده مش بيسمح لنا نقرا إشعارات تطبيقات تانية.
مش بنعمل
- مش بنبيع بياناتك ولا بنشاركها مع حد للإعلانات.
- مفيش إعلانات جوه البرنامج.
- مش بنحفظ ولا بنرفع الرسايل الشخصية أو أكواد التأكيد؛ تتبع SMS مقتصر على رسايل معاملات المحفظة بعد موافقتك.
- مش بنقرا إشعارات التطبيقات التانية ولا سجل المكالمات.
مسح بياناتك
مسح البرنامج بيمسح بياناته من الموبايل، لكن نسختها على السيرفر بتفضل عشان ترجعلك. تقدر تمسح حسابك وبيانات المحل من السيرفر من الإعدادات ← امسح حسابي جوه التطبيق (الخطوات)، أو ابعتلنا على tahwilati@gmail.com أو على واتساب من نفس رقم الحساب، وهنمسحها خلال 30 يوم. بعد مسح الحساب، بنحتفظ باسمك واسم المحل ورقمك ووقت المسح، ورأيك لو كتبته قبل المسح، في سجل إداري بس. لو عايز السجل ده يتمسح كمان، ابعتلنا على نفس الإيميل.
الأطفال
البرنامج معمول لأصحاب المحلات، ومش موجّه للأطفال تحت 13 سنة.
التغييرات
لو غيّرنا السياسة دي هنحدّث التاريخ اللي فوق، ولو التغيير كبير هنقولك جوه البرنامج. وشوف كمان شروط الاستخدام.
Privacy Policy
Last updated: November 2, 2026
Tahwilati is a record-keeping app only. It does not transfer money, does not send or receive any payment, and never connects to any mobile wallet or bank account.
- Transfers happen outside the app, in your wallet provider's own app.
- Tahwilati records what you enter manually or review and confirm from transfer messages, so you can track balances, commissions and daily closing.
- The app will never ask for your wallet password, PIN or OTP code.
Data you enter
Your name and mobile number, shop name and optional shop photo, wallet names, numbers, balances and limits, customers with credit (name, number, amount), operations (type, amount, commission, time, and optional customer phone, name or reference), optional receipt photos, daily closings and settings. It is stored on your device first and works offline; changes sync when you are back online.
Transfer SMS tracking
If you enable Transfer messages and grant the RECEIVE_SMS permission, the app receives new messages in the background, including while its interface is closed, to detect Vodafone Cash transaction messages. It filters the sender and message content and discards personal messages, advertisements and verification codes (OTPs) without storing or uploading them. It does not read your existing SMS history, send SMS or access call logs.
From transfer messages, we extract the amount, direction, customer name and phone if present, wallet phone, transaction reference and time, and any balance or provider fee. These details prepare an operation for review; nothing is posted to your ledger until you confirm it.
Raw transfer message text is temporarily stored encrypted on your device until imported into the local review inbox, then removed from the reception queue. Extracted details remain in the local inbox. Full SMS text is not uploaded to our servers or sent to an AI service. When you confirm an operation, its approved details, including the customer name, phone and transaction reference where present, sync to Supabase with your shop ledger, like other operations.
A transfer notification may appear; its lock-screen public version hides personal details. You can stop reception under Transfer messages → Message settings, or revoke the SMS permission in Android settings. Disabling tracking stops new message reception but does not delete previously recorded operations. Uninstalling the app removes its SMS queue and local inbox from the device.
Account and sync
You sign in with your mobile number and a password; the number is verified with a code sent on WhatsApp. The code is generated, sent and checked by Authevo, which receives only your number and the code. Your data is synced to Supabase servers over HTTPS so you can restore it on another device. Passwords are hashed, and each shop's data is restricted to its owner and the people they add.
We record the app's last connection time to identify accounts that have stopped connecting. This does not prove that the app was uninstalled.
Subscriptions
There are no payments inside the app. Subscriptions are arranged with us on WhatsApp and paid by transfer; we keep the amount, date and the transfer screenshot you send us to activate your plan. We never ask for or store card details.
Crash reports
If the app crashes, a technical report is sent to Sentry (device model, Android version, app version, stack trace). Phone numbers are removed on the device before sending; no screenshots, balances or names are sent.
Permissions
- Internet: sign-in, sync and crash reports.
- Biometrics: optional app lock, verified by Android; the app never receives your fingerprint.
- Camera / photos: only when you choose to attach a receipt or a shop photo.
- Receive SMS: after disclosure and your consent, to detect new transfer messages and prepare them for review, including while the app interface is closed.
- Notifications: to alert you to transfers awaiting review. This permission does not let us read other apps' notifications.
What we don't do
- We don't sell or share your data for advertising.
- No ads in the app.
- We don't store or upload personal SMS or verification codes; SMS tracking is restricted to wallet transaction messages after your consent.
- We don't read other apps' notifications or call logs.
Deleting your data
Uninstalling the app deletes its data from the device, but the server copy is kept so you can restore it. You can delete your account and shop data from Settings → Delete my account in the app (steps), or email tahwilati@gmail.com or message us on WhatsApp from the account's number; we will delete it within 30 days. We retain your name, shop name, phone number, deletion time and any feedback you wrote before deleting in an admin-only record. Email us if you want that record removed too.
Children
The app is intended for shop owners and is not directed at children under 13.